گۆشتفرۆشێك لە سلێمانی گۆشتی بەستووی بە نرخی فرێش فرۆشتووە

بەهۆی فێڵكردن لە هاووڵاتیان و فرۆشتنی گۆشتی بەستوو بەنرخی فرێش، قائیمقامیەتی سلێمانی گۆشتفرۆشی نەورۆز دادەخات.

شۆڕش كەمال، سەرۆكی لیژنەی چواری قائیمقامیەتی سلێمانی ڕایگەیاند، بەهۆی پابەند نەبوون بە مەرجەكانی تەندروستی و ڤێتێرنەری و رێنماییەكانی دیكەی كاركردن و فرۆشتن و ساغكردنەوەی گۆشی بەستوو بەنرخی فرێش، لیژنەكە دوكانی گۆشتفرۆشی نەورۆز لە گەڕەكی هەواری شار دادەخات.

ڕاشیگەیاندووە، لەكاتی سەردانی لیژنەكە و پشكنییەكان، دەست بەسەر بڕی (24) كلیۆ و (500) گرامدا گیراوە، كە دوای خاوكردنەوەی خاوەن شوێنەكە بەنیازبووە بەهاووڵاتیانی بفرۆشێت.

وتیشی، “یەكێكی دیكە لە سەرپێچییەكانی گۆشتفرۆشی نەورۆز، نەبونی مۆڵەتی كاركردنە، كە ئەوەش بەپێی رێنماییەكانی كاركردن سەرپێچییە و خاوەن شوێنەكە ڕووبەڕووی ڕێكاری یاسایی دەكرێتەوە”.

سەرۆكی لیژنەی چواری قائیمقامیەتی سلێمانی ئاژماەی بۆ ئەوەشكرد، بەفەرمانی قائیمقامی سلێمانی دوكانی گۆشتفرشی نەورۆز دادەخرێت و خاوەنەكەشی ڕووبەڕووی رێكاری یاسایی دەكرێتەوە.

بۆ گەیاندنی سکاڵا و زانیاری بەقائیمقامیەتی سلێمانی و لیژنە هاوبەشەکان، پەیوەندی بە ژمارە مۆبایلی (07708677777)ـەوە بکەن.

 

پەیوەنیدر