باران بارین و هەورە تریشقە بەردەوام دەبن

کەشناسی هەرێمی کوردستان پێشبینی دەکات پلەی گەرما کەمێک نزم بێتەوە و ئەگەری بارانبارین و هەورە تریشقەش هەیە بە تایبەت لە ناوچە شاخاوییەکان.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، نیوەڕۆی ئەمڕۆ چوارشەممە، لە ناوچە شاخاوییەکان ئەگەری بارانبارین و هەورە تریشقە هەیە بە تایبەت لە ناوچە شاخاوییە سنوورییەکان.

ڕوونیشیکردەوە کە لە ناوچەکانی دیکەش ئەگەری نمە باران هەیە و بە هۆی زیادبوونی خێرایی باوە ئەگەری کەمێک خۆڵبارین هەیە.

کەشناسی ئەوەشی خستەڕوو کە پلەی گەرما بە بەراورد لەگەڵ دوێنێ 2-4 پلە نزم دەبێتەوە.

سەبارەت بە سبەینێ پێنجشەممەش ڕایگەیاند، ئاسمان لە زۆربەی ناوچەکان نیمچە هەور دەبێت و دوای نیوەڕۆش لە ناوچە شاخاوییەکانی پارێزگای دهۆک ئەگەری نمە بارانێکی کەم هەیە.

بەرزترین پلەکانی گەرمای پێشبینیکراو بە پلەی سیلیزی

هەولێر: 31

سلێمانى: 26

دهۆک: 30

زاخۆ: 31

هەڵەبجە: 26

کەرکووک: 33

سۆران: 30

حاجی ئۆمەران: 16

گەرمیان: 37