سبەینێ‌ عیراق و كوێت یاریی دەكەن

 

سبەینێ‌ هەینی، لە ستادی مینای شاری بەسرە، هەڵبژاردەی عیراق میوانداریی هەڵبژاردەی كوێت دەكات و یارییەكەش خۆئامادەكردنی هەردوو هەڵبژاردەیە بۆ پاڵەوانێتی جامی كەنداو 25 كە لە 6 و 19ی كانوونی دووەمی 2023 لە بەسرە بەڕێوەدەچێت.

ئەمە دووەم یارییە كە هەڵبژاردەی كوێت لە شاری بەسرە لەگەڵ هەڵبژاردەی عیراق ئەنجامی دەدات، پاش ئەوەی لە كانوونی دووەمی 2021 يارییان كرد و یارییەكەش بە ئەنجامی (2-1) لە بەرژەوەندی عیراق كۆتایی هات.

هەڵبژاردەی كوێت كە دە جار ناسناوی جامی كەنداوی بردۆتەوە، لەم پاڵەوانێتییەدا لە گروپی دوو بەرامبەر بە ئیمارات و قەتەر و بەحرێن یاریی دەكات، هەڵبژاردەی عیراقیش لە گروپی یەك بەرامبەر بە هەڵبژاردەكانی سعودیە و عومان و یەمەن یاریی دەكات.

 

 

 

 

 

 

پەیوەنیدر