کەسێک بە هۆی خواردنەوەی کحولیی ساختەوە گیانی لەدەستدا

کەسێک بە هۆی خواردنەوەی کحولیی ساختە لە ڕۆژهەڵاتی کوردستان گیانی لەدەستدا و شەش تۆمەتباریش دەستگیرکران.

لە شاری ماکۆی ڕؤژهەڵاتی کوردستان هاووڵاتییەک بە هۆی خواردنەوەی کحولیی ساختەوە گیانی لەدەستدا و شەش کەسی دیکەش بەمەبەستی چارەسەرکردن گەیەندراونەتە نەخۆشخانە.

ئەمڕۆش سەرۆکی دەسەڵاتی دادوەریی لە ماکۆ ڕایگەیاند، شەش کەسیان بە تۆمەتی فرۆشتنی خواردنەوەی کحولیی ساختەوە دەستگیرکردووە.

هەرچەندە لە ڕۆژهەڵاتی کوردستان و ئێران خواردنەوە کحولییەکان قەدەغەکراون، بەڵام بە شێوەی قاچاخ مامەڵەیان پێوەدەکرێت و ناوبەناویش هەواڵی گیانلەدەستدان یاخود ژەهراویبوون بە هۆی خواردنەوەی کحولیی ساختە بڵاودەکرێتەوە.

پەیوەنیدر