بافڵ تاڵەبانی سەرۆکی یەکێتی نیشتیمانی کوردستان، بەبۆنەیهاتنی جەژنی ڕەمەزانی پیرۆزەوە پەیامێکی بڵاوکردەوە کە ئەمە دەقەکەیەتی،
جەژنی رەمەزانی پیرۆز لە هەموو موسڵمانانی كوردستان، عیراق و جیهان پیرۆزبێت و لەخوای گەورە داواكارم رۆژوو و پاڕانەوەی هەموولایەك قبووڵبكات.
هیوادارم ئەم بۆنە پیرۆزە ببێتە مایەی قووڵكردنەوەی تەبایی و گەشەپێدانی بیری ئاشتی و پێكەوەژیان لە كوردستانی ئازیزمان، هاندەرمان بێت تاوەكو هەموومان یەكدەنگ و یەكهەڵوێست لەپێناو خەڵكە خۆشەویستەكەمان كاربكەین و هەوڵ بۆ پاراستنی سەقامگیریی هەرێمەكەمان بدەین.
دووبارە جەژنتان پیرۆزبێت و هیوای دڵخۆشی بۆ هەموولایەک
بافڵ جەلال تاڵەبانی
سەرۆکی یەکێتیی نیشتمانیی کوردستان
