وتەبێژی حکومەتی هەرێمی کوردستان رایگەیاند، جەنابی سەرۆکوەزیرانی توانی گرێکوێرەکان بکاتەوە و هەرێمی کوردستان دەرباز بکات لەو تەنگەژە دروستکراوەی تێی کەوتبوو.
پێشەوا هەورامانی، وتەبێژی حکومەتی هەرێمی کوردستان لە هەژماری تایبەتی خۆی لە تۆڕی کۆمەڵایەتی فەیسبووک نووسیویەتی: بە پشتیوانی خودای گەورە و خۆڕاگری گەلی کوردستان، جەنابی سەرۆکوەزیران توانی گرێکوێرەکان بکاتەوە و هەرێمی کوردستان دەرباز بکات لەو تەنگەژە دروستکراوەی تێی کەوتبوو.
دەشڵێت:ئێستا کە ئاسۆ ڕوون بووەتەوە هیوادارین هیچ دووکەڵێکی دەستکرد بەرەبەیانی کوردستان لێڵ نەکاتەوە.
ئەوە لەکاتێکدایە حکومەتی هەرێمی کوردستان لە ماوەی یەک هەفتەدا خشتەی مووچەی مانگی (2،3)ی بڵاوکردەوە.
