هەناردەی نەوتی عێراق گەیشتە نزیكەی 100 ملیۆن بەرمیل

کۆمپانیان بەبازاڕکردنی نەوتی عێراق (سۆمۆ) ڕایدەگەیەنێت، لە مانگی شوبات-دا نزیكەی 100 ملیۆن بەرمیل نەوتیان ڕەوانەی بازاڕەکانی جیهان کردووە.

کۆمپانیای بەبازاڕکردنی نەوتی عێراق “سۆمۆ” لە ئاماری مانگانەی خۆیدا بڵاویكردۆتەوە، لە مانگی شوبات-دا تەنها لە کێڵگە نەوتییەکانی بارێزگای بەسرە ٩٨ ملیۆن و ١٨٣ هەزار و ٥٥٤ بەرمیل نەوتیان هەناردە کردووە.

ڕوونیشی كردۆتەوە، لە کێڵگە نەوتییەکانی پارێزگای کەرکوکەوە ملیۆنێک و ٤٠٨ هەزار و ٧٥٧ بەرمیل نەوتیان فرۆشتووە.

ئاشكراشی كردووە، بەکۆی گشتی ٩٩ ملیۆن و ٥٩٢ هەزار و ٣١١ هەزار بەرمیل نەوتیان هەناردەی بازاڕە جیهانییەکان کردووە، بەڵام ئاماژەی بە كۆی داهاتەكەی نەكردووە.

 

پەیوەنیدر