سوننەکان بەربژێرێکیان بۆ پۆستی سەرۆکی پەرلەمانی عێراق دیاری کردووە، هەر بۆیە یاداشتێکیان ئاڕاستەی سەرکردەکانی چوارچێوەی هەماهەنگی کردووە.
هەریەک لە هاوپەیمانیى عەزم و حزبى سیادە و هاوپەیمانیى حەسمى نیشتمانى یاداشتێکیان ئاڕاستەى سەرکردەکانى چوارچێوەى هەماهەنگى کردووە و “سالم عیساوى” ئەندامى پەرلەمانى عێراقیان بۆ وەرگرتنى پۆستى سەرۆکى پەرلەمان بەربژێر کردووە.
یاداشتەکە لەلایەن سەرکردەى سێ حزبى سەرەکیی سوننە هەریەک لە “موسەننا سامەرائى، خەمیس خەنجەر و سابت عیساو”ى واژۆ کراوە و ئاماژە بەوە کراوە کە بڕیاریانداوە پەرلەمانتار “سالم عیساوى” بۆ وەرگرتنى پۆستى سەرۆکى پەرلەمان بەربژێر بکەن و دەڵێن “ناوبراو تایبەتمەندییەکانى وەرگرتنى ئەو پۆستەى تێدایە”.
داواش دەکەن پەلە بکرێت لە دیاریکردنى دانیشتنى داهاتووى پەرلەمانى عێراق بۆ هەڵبژاردنى سەرۆکى پەرلەمان.
