نیكی هەیلی، كاندیدی كۆمارییەكان و تاكە ڕكابەری دۆناڵد ترەمپ، كە سەر بە هەمان پارتی ئەمریكایە لە كێبڕكێی هەڵبژاردن كشایەوە.
نیكی هەیلی، كاندیدی كۆمارییەكان لە لێدوانێكیدا ڕایگەیاند، بڕیارم داوە لە كاندید بوون بۆ هەڵبژاردنی سەرۆكایەتی بكشێمەوە و پیرۆزبایی لە دۆناڵد ترەمپ دەكەم و هیوای سەركەوتنی بۆ دەخوازم.
ڕاشیگەیاندووە، لە ئێستادا پێویستە لەسەر ترەمپ دەنگی ئەمریكییەكان بەدەستبهێنێت.
جەختیشی كردۆتەوە، پەشیمان نیم لەوەی كاندید بووم بۆ هەڵبژاردن، بەڵام لە ئێستاوە بانگەشەی هەڵبژاردن ڕادەگرم.
