کامێرای خاڵ بۆ خاڵ لە 18 شوێنی ڕێگەی هەولێر-دهۆک دانران و دوای تاقیکردنەوەیان بۆ ماوەی هەفتەیەک، سەرپێچییەکان تۆمار دەکەن.
بە پێی ڕاگەیەندراوێکی بەڕێوەبەرایەتی هاتووچۆی هەولێر، لەمڕۆوە کامێراکانی تۆمارکردنی سەرپێچی خێرایی خاڵ بۆ خاڵ لە ڕێگای هەولێر- دهۆک بۆ تاقیکردنەوە دەکەونە کار.
کامێراکان لە 18 شوێنی بەرامبەر گوندی گەزنە تاوەکو پردی چەمە، جێگیرکراون و لەمڕۆو تاوەکو کاتژمێر 12ی شەوی 4ی 3ی 2024 بە شێوەی تاقیکردنەوە کار دەکەن و لە دوای ئەو ڕێکەوتەوە سەرپێچییەکان تۆمار دەکەن.
هاتووچۆی هەولێر ڕاشیگەیاند، بەرزترین خێرایی ڕێگەپێدراو بۆ ئۆتۆمبێلە بچووکەکان 100 کیلۆمەترە لە کاتژمێرێکدا و بۆ ئۆتۆمبێلی بارهەڵگری گەورەش 80 کیلۆمەتر لە کاتژمێرێکدا.
