ھێزەکانی ئەمریکا و بەریتانیا، زنجیرەیەک ھێرشی ئاسمانییان بۆسەر سەنعا پایتەختی یەمەن ئەنجامدا.
کەناڵی مەسیرە سەربە حووسییەکانی یەمەن بڵاویکردەوە کە ھێزەکانی ئەمریکا و بەریتانیا، زنجیرەیەک ھێرشی ئاسمانییان کردووەتە سەر سەنعا.
کەناڵەکە وردەکاری زیاتری لەبارەی ئامانجی ھێرشەکان بڵاو نەکردووەتەوە و تا ئێستاش ئەمریکا و بەریتانیا ھیچ ڕاگەیاندراوێکیان لەوبارەیەوە بڵاو نەکردووەتەوە.
ئەمەش دوای ئەوە دێت کە پێشتر حووسییەکان لە یەمەن ڕایانگەیاندبوو بە ئاراستەکردنی مووشەک و فڕۆکەی بێفڕۆکەوان، ھێرشیان کردووەتەوە کەشتییەکی نەوتھەڵگری ئەمریکا لە کەنداوی عەدەن و کەشتییەکی جەنگی ئەمریکا لە دەریای سوور.
