لە ڕووداوێكی هاتوچۆدا لەسەر ڕێگای نێوان سلێمانی- ڕانیە لەنزیك خەلەكان، دایكێك و دوو منداڵ گیانیان لەدەستدا و كەسێكی دیكەش برینداربوو.
سامان نادر، بەڕێوەبەری سەنتەری فریاكەوتنی خێرای سلێمانی 122 بە (خەڵك)ی ڕاگەیاند، پێشنیوەڕۆی ئەمڕۆ لەئەنجامی پێكدادانی نێوان دوو ئۆتۆمبێل لە ناحیەی خەلەكان، سێ كەس گیانیان لەدەستدا كە دایكێك و دو منداڵن، كەسێكی دیكەش برینداربوو.
ئاماژەی بە ئەوەشكرد، ئێستا تەرمەكان لە پزشكی دادی سلێمانین.
وتیشی ئەو كەسەی كە بریندارە كوڕەو تەمەنی 9 ساڵەو ناوی ئیبراهیم عەبدولڕەحمان، سەر نشینی هەمان ئەو ئۆتۆمبێلە بووە كە دایك و دوو منداڵەكەی تێدا بووە.
ئاماژەی بە ئەوەشكرد، دۆخی تەندروستی بریندارەكە جێگیرە و لەنەخۆشخانە چارەسەری پێویستی بۆ دەكرێت.
