کەشناسی: شەپۆلێکی دیکەی بەفر و باران دەستپێدەکات

کەشناسی پێشبینی دەستپێکردنی شەپۆلێکی دیکەی بەفر و باران دەکات و دەشڵێت، پلەی گەرما لە سفری سیلیزی نزیك دەبێتەوە.

بەشی پێشبینی لە وەزارتی گواستنەوە و گەیاندنی هەرێمی کوردستان ڕایگەیاند، ئەمڕۆ پێنجشەممە، ئاسمان بە گشتی هەور دەبێت لەگەڵ نمە باران بە تایبەتی لە پارێزگای سلێمانی و بەفریش لە ناوچە شاخاوییەکان دەبارێت.

سەبارەت بە سبەینێ هەینیش ڕوونیکردەوە کە شەپۆلێکی دیکەی بەفر و باران دەستپێدەکات، سەرەتا دابارین ناوچەکانی ڕۆژئاوای هەرێم و پارێزگای دهۆک دەگرێتەوە، بەفریش لەناوچە شاخاوییەکان دەبارێت.

بەشی پێشبینی وەزارەتی گواستنەوە ڕاشیگەیاند، سبەینێ کاریگەری شەپۆلەکە درێژ دەبێتەوە بۆ سەرتاسەری هەرێمی کوردستان و کاریگەری شەپۆلەکە تا ڕۆژی شەممە بەردوام دەبێت.

ئەوەشیخستەڕوو کە لە ناوچەکانی باکووری هەرێم پلەی گەرما بەشێوەیەکی بەرچاو دادەبەزن و لە ناوچە بەرزەکانی دهۆك لە سفری سیلیزی نزیك دەبێتەوە.

بەرزترین پلەکانی گەرمای پێشبینیکراو بە پلەی سیلیزی :

هەولێر : 14 پلەى سیلیزى

سلێمانی : 10 پلەى سیلیزى

دهۆک : 8 پلەى سیلیزى

کەرکووک : 15 پلەى سیلیزى

هەڵەبجە : 12 پلەى سیلیزى

زاخۆ : 7 پلەى سیلیزى

گەرمیان : 15 پلەى سیلیزى

حاجی ئۆمەران: 2پلەى سیلیزى

سۆران : 8 پلەى سیلیزى