بەهۆی هێرشە مووشەکییەکەی ئێران بۆ سەر هەولێر، سەرۆك وەزیرانی عێراق و سەرۆك وەزیرانی هەرێمی کوردستان کۆبوونەوەیان لەگەڵ وەزیری دەرەوەی ئێران هەڵوەشاندەوە.
ئەمڕۆ چوارشەممە، میدیای پارتی بڵاویکردەوە، بە هۆی هێرشە مووشەکییەکەی ئێران بۆ سەر هەولێر، مەسرور بارزانی سەرۆك وەزیرانی هەرێمی کوردستان و محەممەد شیاع سودانی سەرۆك وەزیرانی عێراق کۆبوونەوەیان لەگەڵ حسێن ئەمیر عەبدلهەییان، وەزیری دەرەوەی ئێران هەڵوەشاندەوە کە بڕیاربوو لە داڤۆس ئەنجام بدرێت.
مەسرور بارزانی و محەمەد سودانی بە مەبەستی بەشداریکردن لە کۆڕبەندی داڤۆس لە سویسران.
شەوی دووشەممەی ڕابردو ئێران بە 11 مووشەکی بالیستی هێرشی کردە سەر هەولێر و بە هۆیەوە چوار کەس شەهید بوون و شەشی دیکەش بریندارن.
