لە ئاکامی ڕووداوێکی سەختی هاتووچۆ، چوار کەس لە سەر ڕێگەی کەلار – دەربەندیخان گیانیان لەدەستدا.
ئەمڕۆ چوارشەممە، بەڕێوەبەرایەتی هاتووچۆی گەرمیان ڕایگەیاند، بەهۆی پێکدادانی دوو ئۆتۆمبێل لەسەر ڕێگای کەلار-دەربەندیخان چوار کەس گیانیان لەدەست دا و کەسێکیش بریندارە.
ڕوونیشیکردەوە، ڕووداوەکە لە نزیك گوندی ئاوەخێری و لە نێوان بارهەڵگرێك و هایلۆکسێكدا ڕووی داوە و تێیدا چوارسەرنشینی هایلۆکسەکە گیانیان لەدەستداوە و شۆفێرەکەشی بریندارە.
