لە ناوچەیەكی شارەدێی دینارتە ئاگر لە ئۆتۆمبێلێك كەوتەوە و بەتەواوی سووتا.
عەقید ئیبراهیم فەریق، بەڕێوەبەری بەرگری شارستانی دینارتە ڕایگەیاندووە، لە ناوچەی پیشەسازی دینارتە ئاگر لە ئۆتۆمبێلێكی 11 نەفەری كەوتۆتەوە و بەتەواوی سووتاوە.
ڕاشیگەیاندووە، “خۆشبەختانە لە ئەنجامی ڕووداوەكە هیچ زیانێكی گیانی نەبووە، بەڵكو تەنها زیانی ماددی هەبووە”.
ساڵانە لە هەرێمی كوردستان چەندین ئۆتۆمبێل ئاگر دەگرن و دەسووتێن و شارەزایانی بواری ئۆتۆمبێلێیش هۆكارەكەی دەگەڕێننەوە بۆ خراپی كوالێتی بەنزین و دەستكاری كردنی سیستمی كارەبایی ئۆتۆمبێل.
