بەڕێوەبەرایەتی هاتووچۆی زاخۆ ئاشكرای دەكات، سبەینێ لەسەر چوار شەقامی سنووری زاخۆ کامێراکانی هاتوچۆ “خاڵ بۆ خاڵ” دەکەونە کار و سەرپێچی تۆمار دەکەن.
بەڕێوەبەرایەتی هاتووچۆی زاخۆ لە ڕاگەیەنراوێکدا ئاماژەی بەوەكردووە، سبەینێ لەناو تونێلی زاخۆ و لە دەستپێکی تونێلەکە تاوەکو کۆتایی، کامێرەکانی “خاڵ بۆ خاڵ” دەکەونە کار.
ڕاشیگەیاندووە، هەر سبەینێ لەسەر شەقامی سەرەکی ئیبراهیم خەلیل و دێرەبینێ و سحێلا کامێراکانی هاتووچۆ دادەنرێن و کارا دەکرێن و سەرپێچییەکان تۆمار دەکەن.
لە رۆژی ٢٩ی ئایاری ئەمساڵ، کامێرای “خاڵ بۆ خاڵ” لەسەر ڕێگای دوکان- سلێمانی کەوتە کار، ئەوەش ناڕەزایەتی بەشێکی هاووڵاتییان و ئەنجوومەنی پاریچزگای لێکەوتەوە.
