بڕێكی زۆر مادده‌كانی جوانكاری و پاككه‌ره‌وه‌ له‌ناوده‌برێت

لیژنه‌ هاوبه‌شه‌كانی قائیمقامیه‌تی سلێمانی ده‌ست به‌سه‌ر بڕێكی زۆر جوانكار و پاككه‌ره‌وه‌دا ده‌گرن و‌ له‌ناوی ده‌بات.

لیژنه‌ هاوبه‌شه‌كانی قائیمقامیه‌تی سلێمانی بڵاویکردەوە، له‌ئه‌نجامی سه‌ردانه‌ به‌رده‌وامه‌كانی لیژنه‌كان و پشكنینی ئه‌و كاڵاوشمه‌كانه‌ی له‌لایه‌ن بازرگانه‌كانه‌وه‌ به‌هاووڵاتیان ده‌فرۆشرێت، ئه‌مڕۆ پێنجشه‌ممه‌7ی کانوونی یەکەم، به‌هۆی به‌سه‌رچونی ماوه‌ی به‌كارهێنانیان، لیژنه‌ی كۆگاكانی قائیمقامیه‌تی سلێمانی له‌ گه‌نجینه‌كانی راپه‌ڕین ده‌ستیان به‌سه‌ر زیاتر له‌ (5000) دانه‌ ماده‌كانی جوانكاری و پاككه‌ره‌وه‌دا گرتوه‌.

ئاماژەی بەوەشکردووە، راپۆرتی لیژنه‌كه‌ ئاشكرایكردوه‌ كه‌، ماده‌كان له‌ (شامپۆی مناڵ و جلشۆردن، كرێم و جلی قژی پیاوان و جۆره‌كانی پاككه‌ره‌وه‌ی دیكه‌) پێكهاتون، به‌فه‌رمانی قائیمقامی سلێمانی و له‌ناوچه‌ی ده‌ره‌وه‌ی نیشته‌جێبون له‌ناوده‌برێن و خاوه‌نه‌كه‌شی روبه‌ڕوی رێكاری یاسایی ده‌كرێته‌وه‌.

قائیمقامیەتی سلێمانی داوا لە هاووڵاتیانیش دەکات هاوکاریان بن و لەکاتی گومانکردن لە هەرشتێک پەیوەندییان پێوەبکەن بۆ بەدواداجوون،

بۆ گەیاندنی سکاڵا و زانیاری بەقائیمقامیەتی سلێمانی و لیژنە هاوبەشەکان، پەیوەندی بە ژمارە مۆبایلی (07708677777)ـەوە بکەن.