هەرچەندە بڕیار بوو رۆژی شەممەی داهاتوو تونێلی دەربەندیخان بکرێتەوە، بەڵام کاتەکەی گۆڕا و قائیمقامیەتی دەربەندیخان رایگەیاند، سبەینێ هەینی کاتژمێر ٣:٠٠ی دوانیوەڕۆ لە لایەن بەشێک لە کەسوکاری قوربانیانی رووداوی هاتووچۆ تونێلی دەربەندیخان دەکرێتەوە.
لە راگەیەندراوێکدا قائیمقامیەتی دەربەندیخان بڵاویکردووەتەوە، سبەی کاتژمێر ٣ی پاش نیوەڕۆ تونێلی دەربەندیخان دەکرێتەوە و وەزیری ئاوەدانکردنەوە و نیشتەجێکردن قائیمقامی قەزای دەربەندیخانی ڕاسپارد کە بەشێک لە کەسوکاری قوربانیانی ڕووداوەکانی هاتووچۆ لە سنورەکە هەڵسن بە کردنەوەی تونێلەکە.
تونێلی دەربەندیخان زیاتر لە دوو مانگە بەمەبەستی نۆژەنکردنەوەی بە ڕووی شۆفێراندا داخراوە.
