بەڕێوەبەرایەتی گشتی کارەبای سلێمانی ڕایگەیاند، له چوارچێوه‌ی پرۆژه‌كانیدا دانانی تۆڕى ڕووناكى بۆ شەقامى سەرەکى لە تونێلەکەی دەربەندیخان تا ناو بازاڕى دەربەندیخان جێبەجێدەکرێت.
ئاماژەی بەوەکرد، له‌سه‌ر بودجه‌ی داهاتی ٪٨ی كاره‌با به بڕی زیاتر له ١٧٩ ملیۆن دینار پرۆژه‌یه‌كی كاره‌با له دەربەندیخان جێبه‌جێده‌كرێت، پڕۆژه‌كه‌ش بریتییه له دانانى تۆڕى رووناكى بۆ شەقامى سەرەکى لە تونێڵەکە تا ناو بازاڕى دەربەندیخان له‌لایەن به‌ڕێوه‌به‌رایه‌تی دابه‌شكردنی كاره‌بای دەربەندیخان سەرپەرشتى دەکرێت.
بودجه‌ی پڕۆژه‌كه بریتییه له ١٧٩ ملیۆن و دووسەد و هەشتا و حەوت هەزار دینار، بڕیاره له‌ماوه‌ی ١٧٠ رۆژدا كاره‌كانی ته‌واو ببێت.
