بەڕێوەبەرایەتی هاتووچۆی هەولێر ڕایدەگەیەنێت، نیوەڕۆی ئەمڕۆ ڕووداوێكی هاتووچۆ لەنێوان كیایەكی بارهەڵگر و تانكەرێكی گواستنەوەی سووتەمەنی ڕوویداوە.
فازڵ حاجی، وتەبێژی هاتووچۆی هەولێر ڕایگەیاند، کاتژمێر1ی پاش نیوەڕۆی ئەمڕۆ، لەسەر شەقامی 120مەتری خێرا، کیایەکی بارهەلگری بچوک لەبەر تیژڕۆیی و بێئاگایی خۆی کێشا بەدواوەی تانکەرێکی گواستنەوەی سووتەمەنی.
ڕاشیگەیاند، لەدەرەنجامی ڕووداوەکەش کیاكە زیانێکی زۆری بەرکەوت و چەند مەترێک ڕاگروسیمی دەوری ڕێگایەکە تێکچوو.
وتیشی، “ئەوەی جێگای تێڕامان بوو، بەتەواوی نیشانی دەدات، کەشۆفێری کیا بێئاگابووە و ئەوەبوو، کە لەسەر پشتی تانکەرەکە نووسرابو (ابتعد عن الناقلە١٠٠متر)، واتا خۆت بەدووربگر بۆمەودای 100مەتر لەو بارهەڵگرە، کەچی کیا ڕێک خۆی بەشوێنی ئاگاداریەکەدا كێشابوو، کەواتا بێئاگایی تەواو.
