سەرەڕای چەندین ڕێكاری بانكی ناوەندی عێراق بۆ كۆنتڕۆڵ كردنی بەهای دۆلار، بەڵام فرۆشتنی بڕی دۆلاری كەم كردەوە و ئەوەش بووە هۆی بەرزكردنەوەی بەهای ئەو دراوە ئەمریكاییە بەشێوەیەكی بەرچاو.
ڕەوەند میرزا لە بازاڕی دۆلارەكەی سلێمانی بۆ (خەڵك) ڕایگەیاند، ئەمڕۆ چەند جارێك گۆڕانكاری لە بەهای دۆلار ڕوویداوە و بەهاكەی بەردەوامە لە بەرزبوونەوە و لە ئێستادا بەهای 100 دۆلار گەیشتۆتە 167 هەزار و 300 دینار.
ڕاشیگەیاند، بەیانی لەكاتی كردنەوەی بازاڕی دراوەكاندا، بەهای دۆلار بەرزبووەوە و تا نیوەڕۆ گەیشتە 165 هەزار و ئێستا بەهاكەی بەردەوام لە بەرزبوونەوەدایە.
ئەمە لەكاتێكدایە، كە دوێنێ بەهای دۆلار بەرزبووەوە بۆ 163 هەزار و 500 دینار و ئەمڕۆش گەیشتۆتە 167 هەزار و 300 دینار و بەوەش لە دوێنێوە 4 هەزار دینار چۆتە سەر بەهاكەی.
