لیژنەی دارایی ئەنجومەنی نوێنەران بە هۆی بەرزبوونەوەی نرخی دۆلارەوە لێپرسینەوە لەگەڵ پارێزگاری بانکی ناوەندی دەکات و هەوڵێکیش بۆ لەسەرکارلابردنی لە ئارادایە.
ئەمڕۆ سێشەممە، یوسف کیلابی، ئەندامی لیژنەی دارایی ئەنجومەنی نوێنەران ڕایگەیاند، لە نێو لیژنەی داراییدا هەوڵێك هەیە بۆ لەسەرکارلابردنی عەلی عەلاق پارێزگاری بانکی ناوەندی و هۆکارەشی گەڕاندەوە بۆ شکستهێنانی لە کۆنترۆڵکردنی نرخی دۆلار کە بەردەوام بەرەو هەڵکشان دەچێت.
کیلابی ڕوونیشیکردەوە ئەمڕۆ لیژنەی دارایی کاتێك بۆ لێپرسینەوەی پارێزگاری بانکی ناوەندی دەستنیشان دەکات و گفتوگۆش دەربارەی پرسی لەسەرکارلابردنی دەکات.
ئەم لێدوانەش لە کاتێکدایە کە نزیکەی مانگێکە سەرلەنوێ دۆلار دەستی بە بەرزبوونەوە کردووە و 100 دۆلار لە بازاڕەکاندا لە سەروو 161 هەزار دینارەوە مامەڵەی پێودەکرێت، هەرچەندە بانکی ناوەندی نرخی فەرمی 100 دۆلاری بە 132 هەزار دینار دەستنیشان کردووە.
