دووەم رۆژی كۆنگرەی پێنجه‌می یەکێتی بەڕێوەچوو، یەکێک لە بەرنامەکان پەیڕەوی ناوخۆی حزبەکەبوو، وە به‌كۆی ده‌نگی ئه‌ندامانی كۆنگره پەیڕەوی ناوخۆیی حزبەكەی پەسەند كرد و به‌پێی په‌یڕه‌وه‌كه‌ش، ئه‌نجومه‌نی سه‌ركردایه‌تی له 61 ئه‌ندام پێكدێت.
به‌گوێره‌ی په‌یڕه‌وه‌كه، ئه‌نجومه‌نی سه‌ركردایه‌تی یه‌كێتی له 61 ئه‌ندام پێكدێت به‌سه‌رۆكی یه‌كێتیه‌وه، به‌ده‌نگدانی راسته‌وخۆی ئازاد و نهێنی هه‌ڵده‌بژێردرێن.
یه‌كێك له له ئه‌رك و ده‌سه‌ڵاته‌كانی ئه‌نجومه‌نی سه‌ركردایه‌تی، به‌رپرسه له به‌دواداچونی بڕیار و راسپارده‌كانی كۆنگره و داڕشتنی سیاسه‌تی گشتی یه‌كێتی له‌سه‌ر ئاستی ناوخۆیی و ده‌ره‌كی.
بەپێی په‌یڕه‌وه‌كهی یەکێتی، سه‌رۆكی یه‌كێتی سه‌رۆكی ئه‌نجومه‌نی گشتی ئه‌و حزبه ده‌بێت، هه‌روه‌ها راگری یه‌كده‌نگی یه‌كڕیزی یه‌كێتیه و كارده‌كات بۆ پاراستن و جێبه‌جێكردنی په‌یڕه‌وی ناوخۆ و یه‌كڕیزی و یه‌كگوتاری و یه‌كهه‌ڵوێستی سه‌رجه‌م ئۆرگانه‌كان،
یەکێکی تر لەو بڕگانەی بە سەرۆکی یەکێتی دراوە لەم پەیرەوەدا، 14 ئه‌رك و ده‌سه‌ڵاتە كه یه‌كێكیان جێبه‌جێكردنی بڕیار و سیاسه‌ته‌كانی یه‌كێتیه.
لێرەوە ڕەسنووسی پەیڕەوەکە بخوێنەرەوە
