لە چوارچێوەی ئەمنیی حەسەکەی ڕۆژئاوای کوردستان، شەڕ لە نێوان سوپا و چەکدارانی میلیشیایای سەر بە حکومەت دەستیپێکردەوە.
لە درەنگانی شەوی رابردووەوە شەڕ لە نێوان سوپای سووریا و چەکدارانی ئەو میلیشیایەی سەر بە حکومەت دەستیپێکردووەتەوە کە بە بەرگریی نیشتمانیی دەناسرێن.
شەڕەکە لە ناوچەیەکی حەسەکەدا بەڕێوەدەچێت کە لە ژێر کۆنترۆڵی سوپای سووریادایە و بە چوارچێوەی ئەمنیی دەناسرێت.
ئاژانسی هەواڵی هاوار بڵاویکردەوە، گوللەهاوەنێك لە سەربانی ماڵی هاووڵاتییەك کەوتووەتەخوارەوە و زیانی ماددی لێکەوتووەتەوە.
دەنگۆی ئەوەش هەیە ژنێك بە گوللەی وێڵی شەڕەکە گیانی لەدەستدابێت.
