کەوتنەوەی ئاگرێك کە هۆکارەکەی نەزانراوە، دەیان دۆنمی لە سنووری قەزای پێنجوێنی سەر بە پارێزگای سلێمانی سووتاند.
ئەمڕۆ سێشەممە، پۆلیسی دارستان و پاراستنی ژینگەی پارێزگای سلێمانی بڵاویکردەوە، لە سنوری گوندی قزەڵجەی سەر بە قەزای پێنجوێن ئاگرێك کەوتەوە کە بووە هۆی سووتانی زیاتر لە 70 دۆنم دارستان و پووش و پاوان و دەیان ڕەزوباخی هاووڵاتیان.
ڕوونیشیکردەوە کە کارمەندانی بەشی پۆلیسی دارستانی پێنجوێن بە هاوکاری ئاگرکوژێنەوەی پێنجوێن و ڕێکخراوی ملەکەوە و هاووڵاتیانی گوندەکە توانیان ئاگرەکە کۆنتڕۆڵ بکەن.
پۆلسی دارستان ڕاشیگەیاند، هۆکاری ئاگرەکە نادیارە.
