لەدوای جێهێشتنی یانەی پاریس سانجێرمانی فەڕەنسی و پەیوەندی کردنی بەیانەی ئینتەر مەیامی ئەمریکییەوە میسی توانیویەتی مێژوویەکی نوێ بۆ خۆی و یانەکەش بنوسێتەوە و یەک لە دوای یەک سەرکەوتن تۆمار بکەن.
بەرەبەیانی ئەمرۆ یانەی یئنتەر مەیامی بۆ یەکەمجار لە دوای پەیوەندی کردنی میسی بە ڕیزەکانی یانەکەوە لە یاریگای خۆی میوانداری یانەی ناشڤیڵی کرد و نەیتوانی سەرکەوتن بەسەر ئەو یانەیەدا بەدەست بهێنێت و یارییەکە بە بێ گۆڵ کۆتایی هات.
ئەوەش لە کاتێکدایە، میسی لەگەڵ مەیامی ١٠ یاریی کردووە و نۆ یاری بردووەتەوە و لە یارییەکیشدا یەکسان بووە لەوکاتەوەى میسی چووتە ئەمریکا، ئینتەرمەیامی شکستی نەهێناوە.
هاوکات، میسی تائێستا توانیویەتی ١١ گۆڵ بۆ یانەی ئینتەر مەیامی تۆمار بکات و پێش دەستپێکردنی یارییەکەی بەرەبەیانی ئەمڕۆ، میسی و کاپتنی پێشووی ئینتەرمەیامی جامی “لیگا کەپ”یان پیشکەشی هاندەران کرد.
