هێزە ئەمنییەکانی عێراق شاشەکانی ڕیکلامیان لە بەغدا و بابل کوژاندەوە، ئەویش دوای ئەوەی هاککران و فیلمی نەشیاویان لەسەر بلاوکرایەوە.
میدیای عێراقی بڵاویکردەوە کە شەوی ڕابردوو شاشەکانی ڕیکلام لە گۆڕەپانی “عوقبەی کوڕی نافیع”ی بەغدا و لە حللەی ناوەندی پارێزگای بابل هاککران و فیلمی نەشیاویان لەسەر بڵاوکرایەوە.
سەرچاوەیەك لە وەزارەتی ناوخۆی عێراق ڕایگەیاند، بەمەبەستی لایەنی کەمتەرخەم و هاککەرەکان لێکۆڵینەوە دەستپێدەکات.
ڕوونیشیکردەوە کە شاشەکان دوای هاککردنیان، بە شێوەیەکی کاتیی لە بەغدا و بابل کوژێندرانەوە و ڕێکاری پێویست بۆ ڕێگرتن لە دووبارەبوونەوەی هاککردنیان گیرایەبەر.
مانگی کانوونی دووەمی ڕابردوو حکومەتی عێراق بڕیاری بلۆککردنی ماڵپەڕە سێکسییەکانی دا.
