جێگری سەرۆكی حكومەتی هەرێم دڵنیایی دەداتە بازرگانان لە پشتیوانیكردنی زیاتری بازاڕی سلێمانی و بەهێزكردنی زیاتری كەرتی تایبەت و جوڵەی بازرگانی لەشارەكەدا.
قوباد تاڵەبانی ، جێگری سەرۆكی حكومەتی هەرێم بڵاویكردەوە، كە ئەمڕۆ یەكشەممە 4ی 12ی 2022 دوو كۆبوونەوەی جیاوازیان لەگەڵ ژمارەیەك لە بازرگانانی سلێمانی و لایەنە پەیوەندیدارەكانی جێبەجێكردنی شەقامی ١٠٠ مەتری ئەنجامداوه.
ڕاشیگەیاندووە، كە دڵنیاییاندا بە بازرگانان لە پشتیوانیكردنی زیاتری بازاڕی سلێمانی و بەهێزكردنی زیاتری كەرتی تایبەت و جوڵەی بازرگانی لەشارەكەدا و لەكۆبوونەوەی دووەمیشدا جەختيانكردەوە لەسەر بەردەوامبوونی جێبەجێكردنی كارەكانی شەقامی ١٠٠ مەتری سلێمانی.
