بوومەلەرزەیەك پارێزگای سلێمانی هەژاند

دوانیوەڕۆی ئەمڕۆ دوو شەممە، بوومەلەرزەیەك سنووری پارێزگای سلێمانی هەژاند.

محەمەد كەمال، شارەزای كەشناسی بۆ (خەڵك) ڕایگەیاند، دوانیوەڕۆی ئەمڕۆ دوو شەممە 17ی تەمموز، لە كاتژمێر 2:47 خوولەك بوومەلەرزەیەك لە نزیك شارۆچكەی تەكیە لە پارێزگای سلێمانی ڕوویدا.

ڕاشیگەیاند، بوومەلەرزەكە بە گوڕی 2.9 پلە بووە بە پێوەری ڕێختەر و لە قوڵایی 10 كیلۆمەتر ڕوویداوە.

وتیشی، “سەنتەری بوومەلەرزەكە بە دووری 8 كیلۆمەتر لەناو شارۆچكەی تەكیە دوور بووە”.