لەگەڵ داخستنی بازاڕی دراوەكان، نرخی دۆلاری ئەمریكی بەرامبەر بە دینار دابەزی و هاوكات تمەنی ئێرانی بەرزبووەوە.
ڕەوەند میرزا لە بازاڕی دۆلارەكەی سلێمانی بۆ (خەڵك) ڕایگەیاند، بەیانی ئەمڕۆ شەممە لەكاتی كردنەوەی بازاڕی ئاڵوگۆڕی دراوەكان، نرخی 100 دۆلار گەیشتە 148 هەزار و 500 دینار، بەڵام ئێوارە لەكاتی داخستنی بازاڕدا نرخەكەی دابەزی و بە 148 هەزار دینار مامەڵەی پێوەكرا.
ڕاشیگەیاند، نرخی تمەن بەرزبۆتەوە و لە ئێستادا 100 دۆلار بە 4 ملیۆن و 790 هەزار تمەن مامەڵەی پێوەدەكرێت.
سەرەڕای چەندین بڕیار و ڕێكاری بانكی ناوەندی بۆ بەهێزكردنی بەهای دینار و خستنەبازاڕی سەدان ملیۆن دۆلاری ڕۆژانە، بەڵام بەهای دۆلار بەردەوام لە بەرزبوونەوەیەدایە و شارەزایانی كاروباری دراو هۆكارەكەی بەشێكی دەگەڕێننەوە بۆ قۆرخكاری لە بازاڕدا.
