قائیمقامیەتی ئیدارەی سەربەخۆی سۆران رایگەیاند، بۆ ماوەی سێ ڕۆژ بەشێکی رێگای هەولێر بۆ سۆران دادەخرێت، داوا لە شۆفێران دەکات لەو ماوەیەدا رێگای بێخال- قەزای رەواندز بەکاربهێنن.
قائیمقامیەتی قەزای سۆران ئەمڕۆ لە راگەیەندراوێکدا ئاماژەی بەوەکردوە، ” شۆفێران و گەشتیاران و هاوڵاتیان ئاگادار دەکەینەوە، بەهۆی چاکردنەوەی رێگای گەلی علی بەگ لە رۆژی یەکێشەممە رێکەوتی ١٦ی حوزەیران سایدی چون لە پارێزگای هەولێر بۆ سۆران بۆ ماوەی سێ رۆژ دادەخرێت. ”
لە راگەیەندراوەکە باس لەوەکراوە، شۆفێران لە کاتی گەڕانەوە بۆ سۆران رێگای بێخاڵ قەزای رواندز ببگرنەبەر.
داوا لە شوفێران و هاوڵاتیان کراوە، هاوکاری تیمەکانی پۆلیسی هاتوچۆ و تیمی بەڕێوەبەرایەتی چاککردنەوەی رێگاوبانی سۆران بکەن تابەزووترین کات کارەکانیان تەواو بکەن و ڕێگاکە بکرێتەوە.
