بەڕێوەبەرایەتی گشتی بازرگانی لە وەزارەتی بازرگانی هەرێم ڕایدەگەیەنێت، كە بڕی 10 ملیار دینار لە شایستە داراییەكانی جوتیاران گەیشتۆتە هەرێم و دەست بە دابەشكردنی دەكرێت.
بەڕێوەبەریەتی گشتی بازرگانی هەرێم لە ڕاگەیەنراوێكدا ئاماژەی بەوەكردووە، بڕی (١٠) ملیار دینار خرایە سەر حسابی وەزارەتی بازرگانی و پیشاسازی، کەتایبەتە بە شایستە داراییەکانی جوتیاران بۆ ساڵی 2023.
ڕاشیگەیاندووە، پاش تەواوبونی ڕێکارە کارگێڕی و داراییەکان، دەست بەدابەشکردنی دەکرێت بەسەر جوتیاراندا بەپێی ڕۆژی ڕادەست کردنی گەنمەکانیان بەسایلۆکان.
ڕوونیشی كردۆتەوە، پارەكە بڕی 5 ملیار دیناری بۆ سلێمانییە و 2 ملیار دیناری بۆ هەولێر و 3 ملیار دیناری بۆ دهۆكە.
