تەقینەوەیەک لە کارگەی(باروتسان) بۆ دروستکردنی مووشەک و تەقەمەنی لە ناوچەی ئیلماداغی سەر بە ئەنقەرەی پایتەختی تورکیا ڕوویداو قوربانی هەیە.
وەزارەتی بەرگریی تورکیا بڵاویکردەوە، بەهۆی تەقینەوەی کارگەیەکی مووشەک لە ئەنقەرەی پایتەخت،بەپێی ئامارە سەرەتاییەکان ٥ کەس گیانیان لەدەستداوە.
تەقینەوەکە لە کارگەی (باروتسان) بۆ دروستکردنی مووشەک و تەقەمەنی لەناو جەرگەی ئەنقەرە ڕوویداوە کە کارگەکە سەر بە کۆمپانیای MKEی تورکییە.
