هێمن هه‌ورامی ئه‌ندامی مه‌كته‌بی سیاسی پارتی دیموكراتی كوردستان و جێگری سه‌رۆكی په‌رله‌مانی كوردستان، دەڵێت؛ “ھه‌ڵوێست بۆ پاراستنی قه‌واره‌ی ده‌ستوریی ھه‌رێمی كوردستان له‌و كرداره‌دایه كه دژی ھه‌ر ھه‌وڵێك بێت بۆ له‌تكردنی ھه‌رێم و لاوازكردنی له رێگای مامه‌ڵه‌ی جیا له‌گه‌ل پارێزگایه‌كی ھه‌رێم له ناو بودجه‌ی عێراقدا”.
هێمن هه‌ورامی بە ڕاگەیەنراوێکدا، نووسیویه‌تی: “به ئومێدی ئه‌وه‌ی سه‌رجه‌م فراكسیۆنه كوردستانییه‌كان، قه‌واره‌ی ھه‌رێم و شایسته داراییه‌كانی و ماف و ده‌سه‌ڵاته ده‌ستورییه‌كانی له سه‌روو به‌رژه‌وه‌ندی ته‌سكی حیزبی ببینن”.
ده‌شڵێت: “به ئومێدی ئه‌وه‌ی سه‌رجه‌م فراكسیۆنه كوردستانییه‌كان له ئاست به‌رپرسیارێتی مێژووییدا بن و خوێنی شه‌ھیدان و ئه‌نفال و كیمیاباران و قوربانی سه‌د ساڵه‌ی گه‌له‌كه‌مانیان له پێش چاو بێت”.
