سەرۆکی فڕاکسیۆنی بزووتنەوەی گۆڕان لە پەڕلەمانی کوردستان دەڵێت؛ کاراکردنەوەی ئەنجومەنی کۆمیسیاران و هەمواری یاسای هەڵبژاردن یەک پاکێجە و پێویستی بە رێککەوتنی نێوان لایەنەکان هەیە.
گوڵستان سەعید، سەرۆکی فراکسیۆنی گۆڕان لە پەرلەمانی کوردستان رایگەیاند، نیگەرانن بۆ ئەو دۆخەی کە ئەمڕۆ لە پەرلەمانی کوردستان دروستبوە و هەر لەسەرەتاوە پێیان وابووە کە کاراکردنەوەی ئەنجومەنی کۆمیسیاران و هەموواری یاسای هەڵبژاردن یەک پاکێجە و پێویستی بە رێککەوتنی نێوان لایەنەکان هەیە.
لە کۆبوونەوەی رۆژی دووشەممە ٢٢ – ٥ – ٢٠٢٣ سەرۆکی پەرلەمان و فراکسیۆنی یەکێتی و گۆڕان بەشداری کۆبوونەوەکەیان نەکرد و ئاڵۆزی لەنێو هۆڵی پەرلەمان دروستبوو.
د. ڕێواز فایەق سەرۆکی پەڕلەمان لە سەرەتای کۆبوونەوەکەدا وتی: “لەپێناوی پاراستنی یەکڕیزی نیشتمانی و کۆدەنگی هێزە سیاسییەکان بڕیارمدا ئەو دەسەڵاتە رەهایەی خۆم بەکاربهێنم کە لە بڕگەی ٣ی مادەەی ١٨ هاتووە، کۆبوونەوەی ئەمڕۆ دوادەخەم بۆ کاتێکی تر”.
