ئەندامێكی سەربەخۆی پەرلەمانی عێراق ئاشكرایكرد، پەرلەمان چاوەڕێی گەیشتنی پڕۆژەی ڕێكخستنەوەی نوێی مووچەیە لەلایەن حكوومەتەوە لە پێش پەسەندكردنی پڕۆژەیاسای بوودجە.
ئەمیر كامیل بۆ ئاژانسەكانی عێراق دەڵێت: ڕێكخستنەوەی مووچە لە كەیسە گرینگەكانی قۆناغی ئێستایە و دەتوانرێت دادپەروەری كۆمەڵایەتی بەدیبهێنێت، بۆیە زۆر لە پەرلەمانتاران گرینگی بە ئەو بابەتە دەدەن.
دەشڵێت: زۆرێك لە گفتووگۆكانی نێوان پەرلەمانتاران و ئەمیندارێتی ئەنجوومەنی وەزیران و سەرۆك وەزیران لەسەر پێكهێنانی لیژنەیەك و توێژینەوەی بابەتەكە هاوڕابوون، تا خشتەیەك ئامادەبەكرێت و لە ئەنجوومەنی وەزیران بۆ پەسەندكردنی بخرێَتەڕوو.
ئاماژەی بەئەوەشكرد، ئێستا پەرلەمانتاران چاوەڕوانی گەیشتنی پڕۆژەكە دەكەن لەلایەن حكومەتەوە دوای پەسەندكردنی تا پەرلەمان بە ڕۆڵی خۆی هەستێت.
دەشڵێت: پرۆژەكە، پێویستی بە دابینكردنی پارە لە بوودجەی نوێ هەیە، بۆیە پەرلەمان ڕاستگۆیە لە پەسەندكردنی ئەو ڕێكخستنەوە نوێیەی مووچە”.
