كەشناسی هەرێم: تاوەباران و هەورە بروسكە دەبێت

بەپێی پێشبینییەكانی كەشناسی، ئەمڕۆ و سبەینێ‌ ئاسمان هەوری تەواو دەبێت لەگەڵ تاوەباران و هەورە بروسكە.

بەرێوەبەرایەتی گشتی كەشناسی و بومەلەرزەزانی هەرێمی كوردستان بڵاویكردووەتەوە، ئەمڕۆ دوو شەممە 10– 4 – 2023 ئاسمان هەور ی تەواو دەبێت لەگەڵ دابارین بەشێوەی نمەباران لەناوچە جیاجیاكانی كوردستان هەندێ جار بە شێوەی تاوە باران و بروسكە دەبێت لەناوچەكانی رۆژهەلاتی هەرێم.

باس لە ئەوەش كراوە، سبەینێ‌ سێ شەممە 11– 4 – 2023 ئاسمان هەوری تەواو دەبێت لەگەڵ نمە باران لەناوچە جیاجیاكانی هەرێم هەندێك جار بەشێوەی تاوە باران و بروسكە دەبێت لەكاتەكانی شەودا كاریگەری دابارین زیاد دەبێت لەزۆربەی ناوچەكاندا.

بەرزترین پلەكانی گەرمای پێشبینیكراو بە پلەی سیلیزی :
هەولێر : 19 پلەی سیلیزی
سلێمانی : 20 پلەی سیلیزی
دهۆك : 18پلەی سیلیزی
كەركوك : 23 پلەی سیلیزی
هەڵەبجە : 23پلەی سیلیزی
زاخۆ : 19 پلەی سیلیزی
سۆران : 15 پلەی سیلیزی
گەرمیان : 26 پلەی سیلیزی