دانیشتنی ئەنجومەنی نوێنەرانی عێراق بۆ خوێندنەوەی یەکەمی پرۆژە یاسای بودجەی دەستیپێکرد.
دانیشتنەکە بە ئامادەبونی ٢٣٥ پەرلەمانتار دەستیپێکرد و لە دانیشتنەکەدا خوێندنەوەی یەكەم بۆ پرۆژەیاسای بودجەی گشتی ساڵانی ٢٠٢٣ و ٢٠٢٤ و٢٠٢٥ دەکرێت.
دوای خوێندنەوەی یەكەم، پرۆژەیاساكە رەوانەی لیژنەی دارایی دەكرێت بەمەبەستی ئامادەكردنی راپۆرت لەوبارەیەوە و ئامادەكردنی بۆ خوێندنەوەی دووەم و پەسەندكردنی پرۆژە یاساکە.
پرۆژە یاسای بودجەی عێراق بە گەورەترین پرۆژە دادەنرێت لە مێژووی عێراقدا.کە لە ٦٧ ماددە پێکهاتوە و بڕەکەی ١٩٩ تریلیۆن و ٢٢ ملیار و ١١١ ملیۆن و ٦٦٣ هەزار دینارەو پشکی هەرێمی کوردستان لەسەدا ١٢.٦-ە کە دەکاتە ١٦.٦ ترلیۆن دینار.
