لەپێناو پاراستنی بەرهەمی جوتیاران، وەزارەتی بازرگانی عێراق بڕیاریدا بە قەدەغەكردنی هێنانی گەنم لە دەرەوەی وڵاتەوە و كڕینەوەی گەنمی جوتیاران.
سۆران عومەر، ئەندامی پەرلەمانی عێراق بۆ (خەڵك) ڕایگەیاند، لە ئەمڕۆوە ٢٠٢٣/٤/١ تاکو کۆتایی تەسلیم کردنی گەنمی جوتیاران، ڕێگە بەهاوردەکردنی گەنم لەدەرەوەی وڵات نادرێت.
وتیشی، “هۆكاری بڕیارەكە بۆ ئەوە دەگەڕێتەوە، تاوەكو گەنمی جوتیاران لەلایەن وەزارەتی بازرگانی عێراقەوە وەربگیرێت و تێکەڵ بە گەنمی هاوردە نەكرێت”.
جەختیشی كردەوە، ئەم بڕیارەی کۆمپانیای گشتی بازرگانی دانەوێڵە لە وەزارەتی بازرگانی عێراق سەرجەم دەروازە سنورییەکانی عێراق بەهەرێمی کوردستانیشەوە دەگرێتەوە.
