جارێكی دیكە بەهای تمەنی ئێرانی دابەزی و 100 دۆلار گەیشتە نزیكەی 6 ملیۆن تمەن و ئەوەش بە كەمترین نرخی دادەنرێت لە مێژووی خۆیدا تۆماری كردبێت.
ڕەوەند میرزا لە بازاڕی دۆلارەكەی سلێمانی بۆ (خەڵك) ڕایگەیاند، بەهای تمەنی ئێرانی دابەزینێكی دیكەی تۆمار كرد و ئێستا 100 دۆلار بە 5 ملیۆن و 640 هەزار بە حەواڵە مامەڵەی پێوەدەكرێت.
ڕاشیگەیاند، بە نەختینەیی بەهاكەی بە 5 ملیۆن و 310 هەزار تمەنە.
ئاشكراشی كرد، نرخی دۆلار كەمێك دابەزیوە و لە ئێستادا 100 دۆلار بە 152 هەزار و 500 دینار مامەڵەی پێوە دەكرێت.
لەگەڵ بڕیاری ئەنجوومەنی كۆمسیۆنی ئەوروپا بۆ سەپاندنی كۆمەڵێك سزای دیكە بەسەر ئێراندا، بەهای دراوی ئەو وڵاتە بەتەواوی داڕووخاوە.
