مۆنۆمێنتك لەناو پڕۆژەی گۆران سیتی لە هەڵەبجە دروست دەكرێت

گرووپی كۆمپانیاكانی بەڕێز “مۆنۆمێنتی وەفاداری بۆ هەڵەبجە” لەناو پڕۆژەی گۆران سیتی لە هەڵەبجەی شەهید دروست دەكات و باشترین دیزاینەكان خەڵات دەكات.

گرووپی كۆمپانیاكانی بەڕێز لە ڕاگەیەنراوێكدا، كە وێنەی دراوە بە (خەڵك) ئاماژەی بەوەكردووە، كۆمپانیاكەیان مۆنۆمێنتێک لەناو پڕۆژەی گۆران سیتی لە هەڵەبجە دروست دەكات و بۆ ئەوەش مەبەست و ئامانج و فكرەی پڕۆژەكە دەدات بە چەند نووسینگەیەك تاوەكو دیزاینی مۆنۆمێنتەكە بكەن.

ڕاشیگەیاندووە، لە ئێستادا 7 نووسینگە دیزاینی خۆیان پێشكەش كردووە بۆ مۆنۆمێنت و لە لەلایەن پارێزگای هەڵەبجەوە لیژنەیەك پێكهێنراوە تاوەكو باشترینەكان لەو 7 دیزاینە هەڵبژێرێت.

گرووپی كۆمپانیاكانی بەڕێز ئاشكراشی كردووە، باشترین دیزاینیان، كە دەبێت بە یەكەم بڕی 3500 دۆلار پاداشت وەردەگرێت و دیزاینی دووەم بڕی 2500 دۆلار و سێیەم بڕی 1500 دۆلار پاداشت وەردەگرێت.

ئەوەشخراوەتەڕوو، لەو سێ‌ دیزاینە هەڵبژێردراوە، یەكەم و باشترینیان هەڵدەبژێردرێت بۆ جێبەجێ‌ كردنی و دروست كردنی مۆنۆمێنتەکە بەپێی ئەو دیزاینە و وتیشی، “بۆ هەڵبژاردنی باشترین دیزاین تاوەكو دادپەروەری تێدابێت لیژنەیەكی 7 كەسی لەلایەن پارێزگای هەڵەبجەوە پێكهێنراوە و تەنها یەك ئەندامی كۆمپانیای بەڕێزی تێدایە”.

كۆمپانیای بەڕێز ڕوونیشی دەكاتەوە، پڕۆسە و پڕۆژەكە بە چاودێری و بە هاوكاری كۆلێجی ئەندازیاری زانكۆی سلێمانی ئەنجام دەدرێت، كە پڕۆفیسۆر د. ئەمجەد محەمەد عەلی قەرەداغی لە پسپۆڕی ئەندازیاری تەلارسازیدا دیاری كراوە تاوەكو هاوكار و چاودێری پڕۆژەكە و دیزاینەكە بێت.

بەپێی ئەو زانیارییانەی دراوە بە (خەڵك) لیژنەی هەڵسەنگاندنی دیزاینەكان دوێنێ‌ پێنج شەممە یەكەم كۆبوونەوەی خۆی ئەنجام داوە و ئازاد تۆفیق، پارێزگاری هەڵەبجە ڕاستەوخۆ ئاگادار بووە و سەرپەرشتی پڕۆسەكەی كردووە و بەم زووانە باشترین دیزاین دیاری دەكرێت.

 

پەیوەنیدر