تیمەكانی فریاكەوتن توانیان باوكێك و كوڕەكەی كە كەمئەندامە، دوای 115 كاتژمێر لەژێر داروپەردووی بومەلەرزەكە لە باكووری كوردستان ڕزگاربكەن.
ئەمڕۆ شەممە، ویلایەتی غازی غازی عەنتاب ڕاگەیاند”تیمەكانی فریاكەوتن توانییان عەبدوڵڵا كسكین و ئەحمەدی كوڕی كە كەمئەندامە، لە قەزای ئیسڵاحیە ڕزگاربكەن، پاش ئەوەی بۆ ماوەی پێنج ڕۆژ لەژێر داروپەردووی بومەلەرزەكەدا بوون”.
ویلایەتی غازی عەنتاب دەڵێت، دوو برییندارەكە بەرەو نەخۆشخانەی نورداغی حكومی گوازراونەتەوە و فریاكەوتنی سەرەتاییان بۆكراوە، دواتر بۆ مەبەستی چارەسەر بە هێليكۆپتەر بۆ نەخۆشخانەی “شاهێن بی” لە غازی عەنتاب گوازرانەوە،
سەرلەبەیانی دوو شەممەی ڕابردوو، بومەلەرزەیەك بە گوڕی 7.7 پلە باشووری توركیا و باكووری سوریای هەژاند و بووە مایەی گیان لەدەستدانی هەزاران كەس و وێرانكردنی زۆرێك لە تەلار و باڵەخانەكان لەو دوو وڵاتە.
