بریندارێکی رووداوی هاتووچۆکەی سەر رێگای (ڕەشكین – سێبیران) گیانی لەدەستدا.
ئێوارەی ئەمڕۆ هەینی، لەسنووری پارێزگای هەولێر، بەهۆی پێكدادانی دوو ئۆتۆمبیل، كەسێك گیانی لەدەستداو ١٠ كەسی دیكەش بریندار بوون.
فازڵ حاجی، وتەبێژی هاتووچۆی هەولێر رایگەیاندووە، رووداوەكە لەسەر ڕێگای (ڕەشكین – سێبیران) بووە، كە رێگایەكی یەكسایدە، ئۆتۆمبیلێكی جۆری (كیا سیراتۆ) هەوڵیدا لە ئۆتۆمبیلێك رەت بێت كە لەپێشیەوە بوو، لەوكاتەش لەسایدی بەرامبەر ئۆتۆمبیلێكی تر دەهات و پێكدادان دروست بوو.
دەشڵێت، ئەو كەسەی گیانی لەدەستداوە لەگەڵ هەشت لە بریندارەكان، سەرنشینی كیا سیراتۆ بوون.
